Manish Jadhav
भारतीय महिला संघ सध्या श्रीलंकेच्या दौऱ्यावर आहे, जिथे तो श्रीलंका आणि दक्षिण आफ्रिकेसोबत एकदिवसीय तिरंगी मालिका खेळत आहे. या तिरंगी मालिकेत भारताचा सामना बुधवारी (7 मे) दक्षिण आफ्रिकाविरुद्ध झाला.
दरम्यान, या सामन्यात भारताकडून जेमिमा रॉड्रिग्जने शानदार फलंदाजी केली. तिने दक्षिण आफ्रिकेविरुद्ध तूफानी शतक झळकावले. तिने 89 चेंडूत तिचे शतक पूर्ण केले. जे भारतासाठी एकदिवसीय सामन्यांमध्ये कोणत्याही महिला फलंदाजाने केलेले तिसरे सर्वात जलद शतक आहे.
जेमिमाने 101 चेंडूत 123 धावांच्या शानदार खेळीच्या जोरावर भारताने निर्धारित 50 षटकांत 9 गडी गमावून 337 धावा केल्या.
भारताकडून महिला क्रिकेटमध्ये सर्वात जलद शतक ठोकण्याचा विक्रम स्मृती मानधनाच्या नावावर आहे. यावर्षी तिने आयर्लंडविरुद्ध 70 चेंडूत शतक पूर्ण केले. दुसरे सर्वात जलद शतक ठोकण्याचा पराक्रम हरमनप्रीत कौरने केला. आता जेमिमा 89 चेंडूत शतक झळकावणारी भारताची तिसरी सर्वात जलद महिला फलंदाज ठरली.
तसेच, जेमिमा दक्षिण आफ्रिकेविरुद्ध एकदिवसीय सामन्यात सर्वाधिक धावा करणारी दुसरी महिला फलंदाज ठरली.
महिला क्रिकेटमध्ये दक्षिण आफ्रिकेविरुद्ध भारतासाठी सर्वात मोठी एकदिवसीय खेळी करण्याचा रेकॉर्ड जेमिमाच्या आगोदर स्मृती मानधनाने नावावर आहे.