Manish Jadhav
भारत आणि दक्षिण आफ्रिका यांच्यातील 2 सामन्यांची कसोटी मालिका 14 नोव्हेंबरपासून कोलकाता येथे ईडन गार्डन्सवर सुरु होईल.
युवा सलामीवीर यशस्वी जयस्वाल पहिल्याच कसोटीच्या पहिल्या डावात रोहित शर्माचा कसोटीतील 'सर्वात जलद 50 षटकार' मारण्याचा भारतीय विक्रम मोडण्याच्या प्रयत्नात असेल.
रोहित शर्माने 51 कसोटी डावांमध्ये 50 षटकार पूर्ण करण्याचा विक्रम केला आहे.
यशस्वीने आतापर्यंत 49 कसोटी डावांमध्ये 43 षटकार मारले आहेत. रोहितचा विक्रम मोडण्यासाठी त्याला कोलकाता कसोटीच्या पहिल्या डावात 7 षटकार मारावे लागतील.
जयस्वाल सध्या 2428 धावांवर आहे. या 2 कसोटी सामन्यांच्या मालिकेत तो आणखी 72 धावा करताच, कसोटी क्रिकेटमध्ये 2,500 धावा पूर्ण करु शकतो.
जयस्वालने 26 कसोटी सामन्यांमधील 49 डावांत 51.65 च्या प्रभावी सरासरीने धावा केल्या आहेत. यात 7 शतके आणि 12 अर्धशतकांचा समावेश आहे.
कसोटीत सर्वात जलद 50 षटकार मारण्याचा विश्वविक्रम पाकिस्तानच्या शाहिद आफ्रिदीच्या (46 डाव) नावावर आहे. जयस्वाल रोहितचा विक्रम मोडल्यास, तो आफ्रिदीच्या विक्रमाच्या अगदी जवळ पोहोचेल.
यशस्वी जयस्वालची गणना सध्या 2025 मध्ये सर्वाधिक धावा करणाऱ्या फलंदाजांच्या यादीत तिसऱ्या स्थानावर आहे, ज्यामुळे चाहत्यांना त्याच्याकडून मोठ्या खेळीची अपेक्षा आहे.