Sameer Amunekar
मुरुमांवर वापरण्यासाठी बाजारातील महागडे पिंपल पॅच घेण्याऐवजी कमी खर्चात हायड्रोकॉलॉइड बँडेजचा वापर करून पॅच तयार करू शकता.
हे लहान जखमांसाठी वापरले जाणारे ड्रेसिंग असून, पिंपल पॅचमध्येही याच तंत्राचा वापर केला जातो. ते मुरुमातील अतिरिक्त द्रव शोषण्यास मदत करते.
मेडिकल स्टोअरमधून हायड्रोकॉलॉइड बँडेज घ्या. स्वच्छ कात्रीने त्याचे छोटे तुकडे कापा आणि वापरण्यासाठी तयार ठेवा.
चेहरा स्वच्छ धुवून पूर्णपणे कोरडा करा. त्यानंतर बँडेजचा छोटा तुकडा थेट मुरुमावर चिकटवा.
पॅच साधारण ६ ते ८ तास किंवा रात्रभर ठेवता येतो. सकाळी तो हळुवारपणे काढून गरज असल्यास नवीन पॅच लावा.
पॅच मुरुमातील द्रव शोषण्यास मदत करू शकतो. तसेच मुरुमाला वारंवार हात लावणे किंवा फोडणे टाळण्यास मदत होते आणि धूळ-घाणीपासून त्याचे संरक्षण होते.
पांढरा ठिपका किंवा पू दिसणाऱ्या वरवरच्या मुरुमांवर हा पॅच अधिक उपयुक्त ठरू शकतो. मात्र खोल, वेदनादायक किंवा सिस्टिक मुरुमांवर त्याचा परिणाम मर्यादित असू शकतो. मुरुम वारंवार होत असल्यास त्वचारोग तज्ज्ञांचा सल्ला घ्या.