Akshata Chhatre
थंडीच्या दिवसात उन्हात बसून रसाळ संत्री खाण्याची मजा काही वेगळीच असते.
पण अनेकदा वरून छान दिसणारी संत्री आतून आंबट किंवा कोरडी निघतात.
तुम्हाला माहितीये का, संत्री न चखता ती गोड आहेत की नाही हे ओळखण्याचे काही खास मार्ग आहेत.
संत्री निवडताना सर्वात आधी त्याचे वजन तपासा; जे संत्रे आकाराच्या तुलनेत जड लागते, त्यात रस भरपूर असतो.
संत्र्याची साल जेवढी पातळ आणि गुळगुळीत असेल, तेवढे ते फळ अधिक गोड असते. जाड सालीच्या संत्र्यात अनेकदा रस कमी असतो.
तसेच, संत्र्याला देठाजवळ हुंगून पहा; जर त्यातून ताजा आणि गोड सुगंध येत असेल, तर ते संत्रे खरेदीसाठी उत्तम आहे.