Sameer Amunekar
सध्या बाजारात भाज्यांचे भाव गगनाला भिडले आहेत. टोमॅटोचे दर तर सामान्य माणसाच्या आवाक्याबाहेर गेलेत.
पण आता काळजीची गरज नाही. तुम्ही घरच्या गच्चीत, बाल्कनीत किंवा अंगणात सहज टोमॅटोची लागवड करू शकता. कुंडीत लावलेले हे लालसर टोमॅटो केवळ सुंदर दिसतातच नाहीत, तर चवीलाही भरपूर असतात.
टोमॅटो लागवडीसाठी फार मोठी जागा लागते असं नाही. मध्यम आकाराची कुंडी, उत्तम माती, थोडं कंपोस्ट खत आणि रोजचं थोडं पाणी – एवढंच पुरेसं आहे.
रोज ३-४ तास ऊन मिळालं की झाड जोमात वाढतं. अवघ्या ५०-६० दिवसांत फळं येऊ लागतात.
घरच्या घरी पिकवलेला टोमॅटो केवळ महागाईपासून बचाव करतो, तर त्यात कोणतेही रसायन नसल्यामुळे तो आरोग्यासाठीही उत्तम असतो.
कुंडीत लावा टोमॅटो आणि मिळवा ताज्या, लालचुटुक फळांचा आनंद, तोही घरबसल्या.