Sameer Panditrao
‘एअर इंडिया’चे अहमदाबादहून लंडनला जाणारे बोइंग-७८७ ड्रीमलायनर विमान हे अकरा वर्षे जुने असल्याचे समोर आले होते.
त्यामुळे इतके जुने विमान आंतरराष्ट्रीय उड्डाणांसाठी वापरावे का, असा प्रश्न अनेकांच्या मनात उपस्थित होतो.
त्या पार्श्वभूमीवर व्यावसायिक विमानांचे वयोमान किती असावे, किती वर्षांनी ते सेवेतून निवृत्त करावे, याबाबत नियमावली आहे.
सामान्यतः कोणतेही व्यावसायिक विमान सरासरी २५ ते ३० वर्षे वापरले जाते.
नियमित देखभाल-दुरुस्ती केल्यास त्याहून अधिक वर्षेही ते वापरले जातात.
त्यातही प्रवासी विमानांचे सरासरी वयोमान २५ वर्षे, तर मालवाहू विमानांचे सरासरी वयोमान ३२ वर्षांपर्यंत असते.
सेवेतून बाद केल्यानंतर विमानाच्या सुट्या भागांवर पुनर्प्रक्रिया केली जाते किंवा त्याचा अन्य कामांसाठी वापर केला जातो.