Sameer Amunekar
सर्वप्रथम मटण स्वच्छ धुऊन घ्या. बिर्याणीसाठी मटणाचे मध्यम आकाराचे तुकडे घ्या. यामुळे मटण शिजायला आणि मसाला मुरायला मदत होते.
मटणात दही, आले-लसूण पेस्ट, लाल तिखट, हळद, बिर्याणी मसाला, मीठ आणि लिंबाचा रस घाला. हे मिश्रण व्यवस्थित एकत्र करून किमान 1 तास मॅरिनेट करा.
कढईत तेल किंवा तूप गरम करून त्यात बारीक चिरलेला कांदा सोनेरी रंग येईपर्यंत तळा. थोडा कांदा बिर्याणी सजवण्यासाठी बाजूला ठेवा.
तळलेल्या कांद्यात मॅरिनेट केलेले मटण घाला. त्यात हिरवी मिरची, पुदिना, कोथिंबीर आणि आवश्यकतेनुसार पाणी घालून मटण मऊ होईपर्यंत शिजवा.
बासमती तांदूळ स्वच्छ धुऊन 20 ते 30 मिनिटे भिजत ठेवा. उकळत्या पाण्यात मीठ, तमालपत्र, लवंग आणि वेलची घालून तांदूळ 70 टक्के शिजवा. नंतर पाणी काढून घ्या.
एका जाड बुडाच्या भांड्यात प्रथम मटणाचा थर लावा. त्यावर अर्धवट शिजवलेला भात पसरवा. वरून तळलेला कांदा, पुदिना, कोथिंबीर, तूप आणि केशरयुक्त दूध घाला.
भांड्यावर झाकण ठेवून मंद आचेवर 20 ते 25 मिनिटे बिर्याणी दमवर शिजवा. त्यानंतर काही मिनिटे झाकण तसेच ठेवा. गरमागरम मटण बिर्याणी रायता आणि सलाडसोबत सर्व्ह करा.