Pramod Yadav
पंतप्रधान नरेंद्र मोदी यांची गोव्यात सभा झाल्यानंतर उद्या (शुक्रवारी) गृहमंत्री अमित शहा यांची सभा होत आहे.
अमित शहा उत्तरेत म्हापसा केटीसी बसस्थानकाजवळ भव्य सभेला संबोधित करतील.
उत्तरेत श्रीपाद नाईक आणि दक्षिणेत पल्लवी धेंपे यांच्या प्रचारार्थ अमित शहांची सभा होणार आहे.
नरेंद्र मोदींच्या सभेत त्यांनी काँग्रेसवर टीका करत गोव्याला विकासाची आश्वासने दिली होती.
त्यानंतर होणाऱ्या अमित शहांच्या सभेकडे सर्वांचे लक्ष लागले आहे. शहा सभेत काय बोलणार याची उत्सुकता सध्या गोव्यात पाहायला मिळतेय.
अमित शहा यावेळी रमाकांत खलप आणि विरियातो फर्नांडिस यांच्यावर काय टीका करणार हे देखील पाहवं लागेल.
याशिवाय अमित शहा येत्या पाच वर्षांसाठी गोमन्तकीयांसाठी काय आश्वासन देणार हे देखील पाहवं लागणार आहे.