Sameer Amunekar
नॅचरल डाएटऐवजी केवळ प्रोटीन पावडरवर अवलंबून राहून एका रात्रीत किंवा काही महिन्यांत पीळदार शरीर बनवण्याचा अट्टाहास आरोग्याला मोठ्या संकटात टाकू शकतो.
मर्यादित आणि योग्य प्रमाणात घेतल्यास प्रोटीन पावडर स्नायूंच्या वाढीसाठी अमृत ठरते. मात्र, ट्रेनरच्या चुकीच्या सल्ल्याने किंवा अतिवापराने त्याचे रूपांतर विषात होऊ शकते.
शरीराला आवश्यकतेपेक्षा जास्त प्रोटीन मिळाल्यास, ते पचवण्यासाठी किडनी आणि लिव्हरला (यकृत) दुप्पट काम करावे लागते. यामुळे भविष्यात किडनी स्टोन किंवा लिव्हर निकामी होण्याचा धोका वाढतो.
अनेक प्रोटीन पावडर्समध्ये कृत्रिम गोडवा (Artificial Sweeteners) आणि प्रिजर्व्हेटिव्ह्ज असतात. यामुळे गॅस, बद्धकोष्ठता (Constipation), पोट फुगणे आणि अपचनाचा त्रास सुरू होतो.
मार्केटमध्ये मिळणाऱ्या अनेक स्वस्त किंवा अनधिकृत प्रोटीन पावडर्समध्ये स्टेरॉईड्स आणि जड धातूंची (Heavy Metals) भेसळ असण्याची शक्यता असते, जी थेट हृदयावर परिणाम करते.
अंडी, चिकन, पनीर, डाळी आणि मोड आलेली कडधान्ये यांमधून मिळणारे नॅचरल प्रोटीन शरीरासाठी नेहमीच सर्वोत्तम आणि सुरक्षित असते. सप्लिमेंट्स हा फक्त एक पर्याय आहे, मूळ अन्न नाही.
कोणतीही प्रोटीन पावडर सुरू करण्यापूर्वी स्वतःच्या शरीराची गरज ओळखा. स्वतःच्या मनाने निर्णय न घेता तज्ज्ञ डॉक्टर किंवा सर्टिफाइड न्यूट्रिशनिस्टचा सल्ला नक्की घ्या.