Sameer Amunekar
घाबरून जाण्याऐवजी सर्वप्रथम शांत राहा. जखम किती खोल आहे हे पाहा आणि आवश्यक ती प्राथमिक उपचारांची तयारी करा.
रक्तस्त्राव थांबवण्यासाठी स्वच्छ गॉज किंवा कापड जखमेवर घट्ट दाबून ठेवा. साधारण 5 ते 10 मिनिटे दाब कायम ठेवा.
हात किंवा पायाला जखम झाली असल्यास तो भाग हृदयाच्या पातळीपेक्षा थोडा उंच ठेवा. यामुळे रक्तस्त्राव कमी होण्यास मदत होते.
रक्तस्त्राव कमी झाल्यानंतर जखम स्वच्छ वाहत्या पाण्याने धुवा. धूळ किंवा माती असल्यास ती काळजीपूर्वक काढा.
जखम स्वच्छ केल्यानंतर अँटीसेप्टिक क्रीम किंवा द्रावण लावून निर्जंतुक बँडेज बांधा. त्यामुळे संसर्गाचा धोका कमी होतो.
जखमेवर थेट हळद, टूथपेस्ट, कॉफी पावडर, माती किंवा इतर घरगुती पदार्थ लावू नका. यामुळे संसर्ग होऊ शकतो आणि जखम बरी होण्यास उशीर लागू शकतो.
रक्तस्त्राव 10–15 मिनिटे दाब दिल्यानंतरही थांबत नसेल, जखम खूप खोल असेल, प्राण्याने चावा घेतला असेल किंवा गंजलेल्या वस्तूमुळे जखम झाली असेल, तर त्वरित डॉक्टरांचा सल्ला घ्या.