दैनिक गोमन्तक डिजिटल
एसी हवेतील आर्द्रता शोषून घेतो. त्यामुळे दीर्घकाळ एसीमध्ये बसल्याने त्वचा कोरडी, निस्तेज पडते आणि काही वेळा खाज सुटू लागते.
एसीच्या कोरड्या हवेमुळे डोळ्यांमधील ओलावा कमी होतो. परिणामी, डोळे लाल होणे, जळजळणे किंवा डोळ्यांतून पाणी येण्याच्या समस्या उद्भवतात.
थंड वातावरणामुळे वारंवार तहान लागत नाही. त्यामुळे शरीरात पाण्याच्या कमतरतेमुळे डिहायड्रेशन होऊ शकते, ज्याचा परिणाम पचनसंस्थेवर होतो.
अति थंड हवेमुळे शरीरातील स्नायू आकुंचन पावतात. यामुळे मान, पाठ आणि सांधे दुखीचा त्रास वाढू शकतो; विशेषतः ज्यांना आधीच संधिवात आहे त्यांना अधिक त्रास होतो.
एसी असलेल्या बंद खोलीत ताजी हवा मिळत नाही. ऑक्सिजनच्या या असंतुलनामुळे आणि सततच्या थंड वातावरणामुळे डोकेदुखी, चक्कर येणे किंवा आळस येण्याचा त्रास होतो.
जर एसीचे फिल्टर वेळेवर स्वच्छ केले नाहीत, तर त्यात धुळीचे कण आणि बॅक्टेरिया जमा होतात. यामुळे खोकला, सर्दी, सायनस किंवा दम्याचा त्रास बळावू शकतो.
सतत कृत्रिम थंड वातावरणात राहिल्याने शरीराला स्वतःचे तापमान नियंत्रित करण्यासाठी जास्त ऊर्जा खर्च करावी लागत नाही. यामुळे शरीराची चयापचय क्रिया (Metabolism) मंदावते, ज्यामुळे वजन वाढू शकते.