Ganeshprasad Gogate
दिवसाचे 8 ते 10 तास सलग बसून काम केल्याने पाठ, मणका यांच्या तक्रारी उद्भवतात. यातही विशेषत: लठ्ठ व्यक्ती आणि व्यायाम न करणाऱ्यांना मणक्याचा त्रास जाणवू शकतो.
सतत एकाच स्थितीत बसल्याने पाठदुखी, सांधेदुखी, डिस्क प्रोलॅप्स (सायटिका) अशा समस्या उद्भवतात. यामुळे पायांचे, खांद्याचे, खुब्याचे दुखणे सुरू होण्याचीही शक्यता असते
व्यायामाचा अभाव, वाढलेले वजन, पाठीत बाक काढून चालायची आणि बसायची सवय यामुळे मागच्या बाजूच्या सांध्यांवर ताण येतो. त्यामुळे बसताना शरीराची पोझिशन ताठ हवी, मानही ताठ असायला हवी.
लॅपटॉप किंवा टेबल आणि खुर्चीची पोझिशन योग्य असेल तर पाठदुखीची समस्या उद्भवत नाही. त्यामुळे आपली बसायची पद्धत योग्य आहे की नाही हे तपासावे.
बसताना चुकीच्या पद्धतीने बसू नये. बरेचदा कामाच्या नादात आपण तिरके, वाकडे बसतो. मात्र त्याने नंतर पाठ अवघडते. खुर्चीवर बसण्याची पद्धतही व्यवस्थित हवी.