Manish Jadhav
थंडीच्या दिवसात आहारात बदल करणे आरोग्यासाठी फायदेशीर ठरते. विशेषतः मेथीचे लाडू हे हिवाळ्यातील 'सुपरफूड' मानले जातात.
थंडीमध्ये अनेक लोकांना सांधेदुखी किंवा हाडांच्या वेदनांचा त्रास होतो. मेथीमध्ये दाहशामक (Anti-inflammatory) गुणधर्म असतात. मेथीचे लाडू खाल्ल्याने हाडांमधील वंगण टिकून राहते आणि सांधेदुखीपासून मोठा आराम मिळतो.
मेथीची प्रकृती उष्ण असते. हिवाळ्यात शरीराचे तापमान संतुलित ठेवण्यासाठी आणि थंडीपासून संरक्षण मिळवण्यासाठी मेथीचे लाडू अत्यंत गुणकारी ठरतात. यातील तूप आणि सुका मेवा शरीराला आतून उबदार ठेवतो.
मेथीमध्ये फायबरचे प्रमाण भरपूर असते. थंडीत पचनक्रिया मंदावते, अशा वेळी मेथीचे लाडू खाल्ल्याने बद्धकोष्ठतेचा त्रास दूर होतो, गॅस कमी होतो आणि पचन संस्था सुरळीत कार्य करते.
मेथीचे दाणे रक्तातील साखरेची पातळी नियंत्रित ठेवण्यास मदत करतात. जर हे लाडू साखरेऐवजी गुळाचा वापर करुन बनवले असतील, तर ते मधुमेहाच्या रुग्णांसाठी एक उत्तम पौष्टिक पर्याय ठरु शकतात.
हिवाळ्यात अनेकदा सुस्ती किंवा थकवा जाणवतो. मेथीच्या लाडूंमध्ये लोह, कॅल्शियम आणि खनिजे भरपूर असतात. हे लाडू रक्तातील हिमोग्लोबिन वाढवण्यास आणि शरीरातील ऊर्जा टिकवून ठेवण्यास मदत करतात.
थंडीत सर्दी-खोकल्यासारखे संसर्ग लवकर होतात. मेथीमधील औषधी गुणधर्म शरीराची रोगप्रतिकारशक्ती (Immunity) वाढवतात, ज्यामुळे वारंवार येणाऱ्या आजारांपासून संरक्षण मिळते.
मेथीमध्ये गॅलॅक्टोमॅनन नावाचा घटक असतो, जो हृदयाच्या आरोग्यासाठी चांगला मानला जातो. हे लाडू रक्तातील बॅड कोलेस्ट्रॉल कमी करण्यास मदत करतात, ज्यामुळे हृदयविकाराचा धोका कमी होतो.