Manish Jadhav
ओव्हल कसोटीच्या (Oval Test) पाचव्या सामन्यात भारताने दिलेल्या आव्हानाचा पाठलाग करताना इंग्लंडच्या फलंदाजांनी चांगली कामगिरी केली. विशेषतः हॅरी ब्रूकने केलेल्या फलंदाजीमुळे इंग्लंड विजयाच्या जवळ पोहोचला.
हॅरी ब्रूकने अवघ्या 91 चेंडूंमध्ये शतक झळकावत, भारताला मोठा धक्का दिला. हे इंग्लंडच्या फलंदाजांने भारताविरुद्ध झळकावलेले तिसरे सर्वात वेगवान कसोटी शतक ठरले.
या शतकासह ब्रूकने वर्ल्ड टेस्ट चॅम्पियनशिपमध्ये 9 शतके पूर्ण केली. त्याने भारताचा माजी कर्णधार रोहित शर्मा आणि शुभमन गिल यांच्या विक्रमाशी बरोबरी साधली.
ब्रूकने 98 चेंडूत 111 धावांची महत्त्वपूर्ण खेळी खेळली. यात 14 चौकार आणि 2 षटकारांचा समावेश आहे. आकाश दीपने (Akash Deep) त्याला आऊट केले.
हॅरी ब्रूकने 2012 मध्ये कसोटी क्रिकेटमध्ये पदार्पण केले. त्यानंतर तो इंग्लंडच्या फलंदाजीचा महत्त्वाचा भाग बनला.
त्याने आजपर्यंत एकूण 30 कसोटी सामन्यांमध्ये 2820 धावा केल्या आहेत. यात 10 शतके आणि 13 अर्धशतकांचा समावेश आहे.
ब्रूकशिवाय, बेन डकेटने 54 आणि अनुभवी फलंदाज जो रुटनेही शतकी खेळी खेळली. यामुळे इंग्लंडने सामन्यावर पकड मजबूत केली.
हॅरी ब्रूकच्या आक्रमक फलंदाजीमुळे भारतीय गोलंदाज हतबल झाले. एका क्षणी मजबूत स्थितीत असलेला भारत आता बॅकफूटवर गेला.