Sameer Amunekar
पावसाचे पाणी आणि ओलावा टाळण्यासाठी केस शक्यतो कोरडे ठेवा. भिजलेले केस जास्त वेळ तसेच राहिल्यास कोंडा आणि खाज वाढू शकते.
आठवड्यातून 2-3 वेळा माइल्ड किंवा अँटी-डँड्रफ शॅम्पूने केस धुवा. यामुळे टाळू स्वच्छ राहते आणि बुरशीजन्य संसर्गाचा धोका कमी होतो.
ओल्या केसांना पोनीटेल किंवा अंबाडा बांधल्याने टाळूत ओलावा अडकतो. त्यामुळे खाज, कोंडा आणि केस तुटण्याची समस्या वाढू शकते.
नारळ, बदाम किंवा आर्गन तेलाने हलक्या हाताने मसाज करा. यामुळे टाळूला पोषण मिळते आणि केस मजबूत राहण्यास मदत होते.
प्रोटीन, आयर्न, झिंक आणि बायोटिनयुक्त पदार्थ आहारात समाविष्ट करा. योग्य पोषणामुळे केस गळती कमी होण्यास मदत मिळते.
अस्वच्छ कंगवा किंवा टॉवेल वापरल्याने बॅक्टेरिया आणि बुरशी वाढू शकते. त्यामुळे वैयक्तिक वस्तू नियमित स्वच्छ करा.
दीर्घकाळ कॅप, हेल्मेट किंवा स्कार्फ घालणे टाळा. टाळूला हवा मिळाल्यास घाम आणि ओलावा कमी होऊन केसांचे आरोग्य चांगले राहते.