Manish Jadhav
गोवा म्हटलं की आपल्या डोळ्यासमोर लगेच इथला निळाशार समुद्रकिनारा, धबधबे, अभयारण्ये येतात. पण गोव्याला भक्ती परंपराही आहे. होय, चकीत झालात ना...
गोव्यात प्रतिपंढरपूर म्हणून ओळखले जाणारे विठ्ठल मंदिर साखळी-विठ्ठलपूर येथे आहे.
गोव्यात साखळीव्यतिरिक्त फोंडा, मडगाव, दिवाडी, म्हापसा, सांगे, कुंभारजुवे, रायबंदर, माशेल, केपे अशा अनेक ठिकाणी विठ्ठल मंदिरे आहेत.
चैत्रशुद्ध पौर्णिमा हा विठ्ठलाचा स्थापना दिन मोठ्या उत्साहाने साजरा केला जातो. संपूर्ण गोव्यामध्ये प्रसिद्ध असलेल्या या मंदिरामध्ये आषाढी एकादशीला वारकरी संप्रदायाचे जथे पहावयास मिळतात.
मुळगाव, डिचोली, साखळी-कारापूर, वाळपई, विर्डी, होंडा, नावेली, पर्ये, हरवळे आणि इतर भागातून वारी विठ्ठलपुरात येते. जवळ-जवळ पंधरा ते वीस दिंड्या विठ्ठलपुरात येतात.
एकादशीच्या दिवशी सोवळे नेसून विठ्ठल भक्तांना मंदिराच्या गाभाऱ्यात प्रवेश करुन अभिषेक करायला मिळतो. पुरुषांबरोबर महिलांनासुद्धा अभिषेक करण्याची संधी दिली जाते.