Manish Jadhav
पश्चिम घाटात वसलेला टुमदार गोवा पर्यटकांना आकर्षित करतो. मनाला भावणारं इथलं निसर्ग सौंदर्य प्रत्येकाला खुणावतं.
तुम्ही गोव्यात आल्यानंतर इथल्या प्रसिद्ध सुमुद्रकिनाऱ्यांची सैर नक्की केली असेलच ना... पण आज (25 फेब्रुवारी) आपण या वेबस्टोरीच्या माध्यमातून गोव्यातील प्रसिद्ध अशा दोन नद्यांविषयी जाणून घेणार आहोत.
गोव्याच्या भूमीला सुजलाम, सुफलाम करणाऱ्या दोन महत्त्वाच्या नद्या म्हणजे मांडवी आणि जुवारी या असून, मांडवी ही गोव्याची मोठी नदी तर जुवारी ही लांब नदी आहे.
पश्चिमवाहिनी असणारी जुवारी नदी सह्याद्रीच्या पर्वतरांगात उगम पावल्यानंतर दगडधोंड्यातून मार्ग काढत शेवटी मुरगाव शहराच्या आसपास अरबी सागराला मिळते.
जुवारी नदीच्या खोऱ्याचा विस्तार राज्याच्या 973 चौरस किलोमीटर क्षेत्रफळात झालेला आहे. सह्याद्री पर्वतरांगातून वहात येणाऱ्या या नदीच्या खोऱ्यात 31.4 टक्के वनक्षेत्र आहे.
आज मांडवी आणि जुवारी या दोन्ही नद्या, स्वतंत्र म्हणून ओळखल्या जात असल्या तरी पृथ्वीतलारवती जेव्हा शेवटच्‍या हिमयुगाचा कालखंड चालू होता, तेव्हा 20 हजार वर्षांपूर्वी मांडवी आणि जुवारी या नद्या खडकाळ प्रदेशातून एकल नदीप्रणाली म्हणून वाहत होत्या.
मांडवी आणि जुवारी या दोन्ही नद्यांना निसर्गाचं वरदान लाभलं आहे. पर्यटकांना भावणारा निसर्ग नजारा आणि मांडवी आणि जुवारी नद्याचं विशाल पात्र पर्यटकांना मोहवून टाकतं.