Manish Jadhav
गोव्याचं मोहीनी घालणारं सौंदर्य प्रत्येकाला खुणावतं. गोव्याला दरवर्षी लाखो पर्यटक भेट देतात.
गोव्याला लाभलेले नयनरम्य निसर्ग सौंदर्य पर्यटकांच्या मनावर अधिराज्य गाजवतं. इथले समुद्रकिनारे तर पर्यटकांना साद घालतात.
गोव्यात येणारा प्रत्येकजण इथलं खुणावणारं निसर्ग सौंदर्य पाहून तर प्रेमात पडतोच, पण इथे आल्यानंतर त्याचं मन देखील उडू उडू लागतं.
गोव्यात येणाऱ्या तरुण पर्यटकांचं आकर्षण म्हणजे इथले क्लब, हॉटेल, पार्ट्या, जलक्रिडा अन् बरचं काही... गोव्यातला जंगी माहोल नवख्या तरुण पर्यटकाला देखील साद घालतो.
गोव्यातलं रमणीय वातावरण निस्तेज मनाला सतेज उभारी देतं. पर्यटकांची जणू गोव्याशी 'दिल्लगी' होऊन जाते.
गोव्यातील गडकिल्ले येथील इतिहासाची एक झलक देऊन जातात. गोव्यात येणारा पर्यटक अग्वाद, शापोरा, तेरेखोल या किल्ल्यांना आवर्जून भेट देतो.
गोव्यात येणारे पर्यटक इथल्या जलक्रिडांचा मनमुराद आनंद लुटतात. सुखावणारं गोव्याचं लालित्य मनाला भारावून टाकतं.