Akshata Chhatre
गोवा आणि चहा यांचं वेगळंच नातं आहे. सकाळची सुरुवात आणि संध्याकाळची झोप उडवण्यासाठी चहा हवाच.
सकाळी चहा आणि फाती बिस्कीटने गोव्यात सकाळ होते, हाच चहा दिवसभर ताजेतवानं राहायला मदत करतो.
गरम-गरम उकळता चहा, त्यात असलेली वेलची किंवा आलं आणि सोबत खारी बिस्कीट म्हणजे थोडक्यात गोव्यातली सकाळ.
उगवता सूर्य आणि हातातला कप याशिवाय आणखीन काही हवं असं वाटतच नाही.
दुपार झाल्यानंतर मस्त जेवण आणि तास दोन तासांची झोप. सुशेगाद गोवेंकर यांना जर का यानंतर कशाची ओढ असते तर ती चहाची.
संध्याकाळी चहासोबत असतात तळलेल्या मिरच्या किंवा कापं आणि सुरु होते एक सुंदर संध्याकाळ. सध्या गोव्यात पाऊस भरपूर पडतोय मग भजी आणि चहा प्यायला जाणार ना?