Pramod Yadav
गोव्यात दरवर्षी पावसाळ्यात सर्वांना 'सांजाव'ची ओढ लागते, निखळ आनंदाचा उत्सव म्हणून हा प्रसिद्ध आहे.
मुख्यत्वे कॅथलिक समाजात प्रसिद्ध असलेला हा उत्सव दरवर्षी 24 जून रोजी साजरा केला जातो.
स्थानिकांसह देश विदेशातील पर्यटकांना देखील या उत्सवाचे मोठे आकर्षण असते.
सांजाव (Sao Joao) या पोर्तुगीज शब्दाचा अर्थ सेंट जॉन असा होतो. सेंट जॉन बाप्टिस्टच्या स्मरणार्थ हा उत्सव साजरा केला जातो.
सेंट जॉन आई एलिझाबेथच्या पोटात असताना प्रभू येशूची आई मेरीने एलिझाबेधच्या घरी भेट दिली.
या भेटीने खूश झालेल्या सेंट जॉनने आईच्या पोटातच आनंदाने उडी मारली अशी मान्यता आहे.
याचे प्रतिक म्हणून सांजाव दिवशी देखील विहिरीत उडी मारुन हा आनंदोत्सव साजरा केला जातो.