Ganeshprasad Gogate
अयोध्येतील राम मंदिरात उद्या म्हणजेच 22 जानेवारी रोजी होणाऱ्या प्रभू श्रीरामांच्या प्राणप्रतिष्ठेला अवघ्या काही तासांचा अवधी शिल्लक आहे.
उत्साहाचे वातावरण-
या सोहळ्यासाठी देशभरात उत्साहाचे वातावरण असून प्रत्येक राज्यात या सोहळ्याचा आनंद ओसंडून वाहताना दिसतोय.
गोव्यासह काही राज्यांनी या सोहळ्याचा निमित्ताने सर्व आस्थापनांना सुट्ट्या जाहीर केल्या असून गोव्यात काही पंचायतींनी सोमवारी मद्य, मांस विक्रीवरही निर्बंध घातले आहेत.
गोव्यातील वातावरण राममय झाल्याचे दिसत असून राजधानी पणजीत अटल सेतूच्या खालील बाजूस तसेच दीवजा सर्कल येथे राम मंदिराच्या प्रतिकृती उभारलेल्या दिसून येताहेत.
तसेच श्रीरामांचे आयुध असलेल्या धनुष्याची प्रतिकृतीही आकर्षकरित्या उभारलेली आहे.
प्राणप्रतिष्ठा सोहळ्याला काही तास शिल्लक असताना गोव्यातील सजावटीच्या कामावर कामगार अखेरचा हात फिरवतानाचे रविवारी सकाळी दिसून आले.