गोमन्तक डिजिटल टीम
गोवा राज्याच्या सांस्कृतिक विविधतेमुळे गोव्याची संगीत परंपरा शास्त्रीय ते पाश्चात्य संगीतशैलीनी समृद्ध बनलेली आहे.
इतक्या वैविध्यपूर्ण संगीत परंपरेमुळे इथल्या वाद्यपरंपरेची श्रेणीही मोठी आहे. अरब, कांसाळे, मृदुंग अशी अनेक वाद्ये इथल्या संगीत संयोजनात ऐकायला मिळतात.
घुमट हे इथले लोकप्रिय स्थानिक वाद्य. अनेक वर्षांपासून हे वाद्य गोव्याच्या संगीतात वापरले जाते.
या तालवाद्याची रचना म्हणजे हे दोन तोंड असलेले मातीचे भांडे आहे. मडक्यासारखाच याचा आकार असतो.
या मातीच्या भांड्याच्या मोठ्या तोंडावर घोरपडीचे कातडे घट्ट बसवले असते. या प्रक्रियेमुळे हवेचा दाब निर्माण होतो.
दोरीच्या साहाय्याने हे वाद्य गळ्यात अडकवतात किंवा काही ठिकाणी कमरेला बांधतात. घुमटाच्या खास वादनशैलीला सुंवारी असे म्हणले जाते.
गोव्यातील सगळे सण तसेच सामूहिक उत्सवांवेळी हे वाद्य इतर वाद्यांच्या साथीला वापरले जातेच. घुमटाच्या साथीने आरती, जागरण ऐकणे ही तर पर्वणीच.
गोव्यातल्या प्रत्येक गावात, वाडीत घुमट वाजवणारे कलावंत आहेत. तरुणांनी घुमट वादनाची पथके तयार करून ही कला प्रवाही ठेवली आहे विशेष.
गोव्याचा नैसर्गिक समतोल राखणारी 'खारफुटी'