Ganeshprasad Gogate
अयोध्येतील राम मंदिरात उद्या म्हणजेच 22 जानेवारी रोजी होणाऱ्या प्रभू श्रीरामांच्या प्राणप्रतिष्ठेची तयारी जोरात सुरु आहे.
या कार्यक्रमाबाबत जगभरातील रामभक्तांमध्ये उत्साहाचे वातावरण आहे. 16 जानेवारीपासून पूजाविधीला सुरुवात झाली आहे.
अशातच प्रभू रामचंद्रांशी संबंधित कार्यक्रम देशभरात सुरु आहेत. सर्वत्र सजावट आणि आनंदाचे वातावरण निर्माण झालेले आपल्याला पाहायला मिळतेय.
सध्या अयोध्येतील राम मंदिरांचे फोटो सोशल मीडियावर व्हायरल होत असून ज्यांना प्रत्यक्ष अयोध्येला जात येत नाही ते या फोटोंच्या माध्यमातून आनंद अनुभवत आहेत.
मंदिरांच्या भिंतींवरील कोरीव नक्षीकाम म्हणजे स्थापत्यशास्त्राचा अद्भुत नमुना असून भिंतींवर वैदिक परंपरेतील देवीदेवतांची चित्रे साकारलेली आहेत.