Akshata Chhatre
ऋतू कोणताही असो त्वचेची योग्य काळजी घेणे खूप महत्त्वाचे असते. कोणत्याही प्रकारची त्वचा हायड्रेट राहणे सर्वात गरजेचे आहे.
कोरड्या त्वचेसाठी मॉइश्चरायझर हा उत्तम उपाय मानला जातो, कारण यामुळे त्वचा मऊ, तजेलदार आणि निरोगी राहते.
बाजारातील रसायनयुक्त मॉइश्चरायझर दीर्घकाळ वापरल्याने त्वचेला हानी होऊ शकते, म्हणून नैसर्गिक घटकांपासून बनवलेले घरगुती मॉइश्चरायझर जास्त सुरक्षित आणि प्रभावी ठरते.
२ मोठे चमचे शुद्ध तूप, १ चमचा नारळाचे तेल, १ चमचा गुलाब पाणी, १ चमचा कोरफड जेल, १ व्हिटॅमिन ई कॅप्सूल, १/२ चमचा मध आणि आवश्यकतेनुसार काही थेंब टी ट्री ऑइल.
मंद आचेवर शुद्ध तूप वितळवून थंड होऊ द्या. नंतर एका लहान भांड्यात नारळाचे तेल आणि कोरफड जेल नीट मिसळा, त्यात वितळलेले तूप घालून पुन्हा एकजीव करा.
त्यानंतर गुलाब पाणी, मध, व्हिटॅमिन ई कॅप्सूलमधील द्रव आणि काही थेंब टी ट्री ऑइल घालून सर्व साहित्य व्यवस्थित हलवा. हे मिश्रण घट्ट होण्यासाठी फ्रीजमध्ये ठेवा.