Akshata Chhatre
आपल्या शरीरातील हाडं, त्वचा, स्नायू, केस, नखं आणि अनेक पेशींच्या पोषणासाठी आणि पुनर्निर्मितीसाठी प्रोटीन अत्यावश्यक असतं.
अनेक लोकांना वाटतं की प्रोटीन मिळवण्यासाठी अंडी, चिकन किंवा मासे खाणं गरजेचं आहे, पण हे पूर्णपणे खरं नाही.
शाकाहारी व्यक्तींनाही असे अनेक पदार्थ उपलब्ध आहेत जे प्रोटीनच्या बाबतीत मांसाहारी पदार्थांपेक्षा कमी नाहीत. उदाहरणार्थ, क्विनोआ हे असं धान्य आहे ज्यात सर्व आवश्यक अमिनो ॲसिड्स असतात
एका कप पातळ क्विनोआमध्ये सुमारे ८ ग्रॅम प्रोटीन आणि ५ ग्रॅम फायबर मिळतं. हे लवकर शिजतं, पचायला हलकं असतं आणि पोहे, उपमा किंवा सूपमध्ये सहज वापरता येतं.
टोफू म्हणजेच सोया पनीर हा आणखी एक उत्तम पर्याय आहे; एक कप टोफूमध्ये १० ते १५ ग्रॅमपर्यंत प्रोटीन असतं आणि यामध्ये आयर्न, कॅल्शियम व मॅग्नेशियमही आढळतात.
राजमा, चणे, काळे हरभरे, मसूर आणि मूग या बीन्स आणि डाळी प्रोटीनने परिपूर्ण असून अर्धा कप पातळ उकडलेल्या बीन्समध्ये ७–९ ग्रॅम प्रोटीन मिळतं, तसेच फायबर, आयर्न आणि फोलेटही मिळतात.