Sameer Amunekar
पिढ्यानपिढ्या चालत आलेला हा उपाय सर्वात प्रभावी आहे. २ चमचे बेसन, चिमूटभर हळद आणि थोडे दही एकत्र करून चेहऱ्याला लावा. यामुळे त्वचेवरील मृत पेशी निघून जातात आणि चेहरा उजळतो.
रात्री झोपण्यापूर्वी ताज्या कोरफडीचे जेल चेहऱ्याला लावा. कोरफड त्वचेला हायड्रेट ठेवते आणि मुरुमांचे डाग कमी करून चेहरा मऊ आणि चमकदार बनवते.
मध हे नैसर्गिक मॉइश्चरायझर आहे, तर लिंबू 'नॅचरल ब्लीच'चे काम करते. १ चमचा मध आणि अर्धा चमचा लिंबाचा रस एकत्र करून १० मिनिटे चेहऱ्यावर ठेवा. यामुळे इन्स्टंट ग्लो मिळतो.
कापसाचा बोळा कच्च्या दुधात भिजवून त्याने चेहरा पुसून घ्या. दूध त्वचेला आतून स्वच्छ करते आणि लॅक्टिक ॲसिडमुळे त्वचा अधिक तरुण आणि तजेलदार दिसते.
पपईमध्ये 'पपेन' नावाचे एन्झाइम असते, जे त्वचेचा रंग सुधारण्यास मदत करते. पिकलेल्या पपईचा गर चेहऱ्यावर चोळल्याने टॅनिंग कमी होते आणि चेहरा सेलिब्रिटींसारखा चमकू लागतो.
दिवसभरात कधीही चेहऱ्यावर गुलाब पाण्याचा स्प्रे करा. हे नैसर्गिक टोनर म्हणून काम करते आणि त्वचेचा पोत सुधारून चेहऱ्यावर गुलाबी टवटवी आणते.
मोठ्या छिद्रांची समस्या असल्यास टोमॅटोचा रस अत्यंत गुणकारी आहे. टोमॅटोचा तुकडा चेहऱ्यावर चोळल्याने तेलकटपणा कमी होतो आणि त्वचेला एक वेगळीच चकाकी मिळते.