गोमंतक ऑनलाईन टीम
दररोज भरपूर पाणी दिल्याने मुळांना हवा मिळत नाही आणि कुजण्याचा धोका वाढतो. मातीचा वरचा थर तपासूनच पाणी द्या.
प्रत्येक रोपाला आवश्यक तेवढा प्रकाश मिळणे गरजेचे आहे. कमी प्रकाशामुळे पानांची वाढ आणि नवीन फुटवे कमी होऊ शकतात.
कुंडीच्या तळाला ड्रेनेज होल नसतील तर अतिरिक्त पाणी साचते. त्यामुळे मुळांच्या आरोग्यावर परिणाम होऊ शकतो.
खूप घट्ट किंवा पाणी धरून ठेवणारी माती मुळांच्या वाढीस अडथळा ठरू शकते. भुसभुशीत आणि चांगला निचरा होणारी माती वापरा.
रोप लवकर वाढावे म्हणून जास्त खत देणे उलट नुकसानकारक ठरू शकते. रोपाच्या गरजेनुसार आणि योग्य प्रमाणातच खत द्या.
रोपाच्या मुळांना वाढण्यासाठी पुरेशी जागा नसेल तर त्याची वाढ खुंटू शकते. मुळे खूप पसरली असतील तर योग्य आकाराच्या कुंडीत रोप लावा.
सुकलेली किंवा खराब झालेली पाने-फांद्या वेळोवेळी काढल्यास रोपाची ऊर्जा नवीन वाढीकडे वळण्यास मदत होते.