गोमंतक ऑनलाईन टीम
पाणी देण्याची योग्य वेळ ओळखा
माती वरून कोरडी वाटली तरच पाणी द्या. गरजेपेक्षा जास्त पाणी दिल्यास मुळं खराब होऊ शकतात.
कुंडीत Drainage होणं गरजेचं!
कुंडीच्या तळाशी पाण्याचा निचरा होण्यासाठी छिद्रं आहेत याची खात्री करा. साचलेलं पाणी रोपांसाठी नुकसानकारक ठरू शकतं.
रोपाला मिळू द्या योग्य सूर्यप्रकाश
प्रत्येक रोपाची प्रकाशाची गरज वेगळी असते. त्यामुळे रोपाच्या गरजेनुसार ते योग्य ठिकाणी ठेवा.
मातीचा पोत तपासा
माती खूप घट्ट झाली असेल तर ती हलकी आणि भुसभुशीत करा. योग्य मातीमुळे मुळांना हवा मिळण्यास मदत होते.
सुकलेली पानं आणि फांद्या काढा
पिवळी किंवा पूर्णपणे सुकलेली पानं नियमितपणे काढल्याने रोपाची निगा राखणे सोपं होतं.
खत देताना घाई करू नका
रोपाच्या प्रकारानुसार योग्य खत आणि योग्य प्रमाण वापरा. जास्त खत दिल्याने रोपाला फायदा होण्याऐवजी नुकसान होऊ शकतं.
कीड आणि रोगांवर ठेवा लक्ष
पानांवर डाग, चिकटपणा, जाळीसारखे चिन्ह किंवा कीड दिसत असल्यास लवकर उपाय करा. नियमित निरीक्षण केल्याने समस्या वाढण्यापूर्वी लक्षात येते.
चेहऱ्यावर डलनेस दिसतोय? 'या' 7 टिप्सने त्वचेला मिळवा ग्लोइंग लुक