Sameer Amunekar
मधुमेह नियंत्रणात ठेवण्यासाठी योग्य आहार अत्यंत महत्त्वाचा असतो. गोड पदार्थांपासून दूर राहण्याचा सल्ला दिला जातो, पण काही नैसर्गिक फळं मधुमेहग्रस्तांसाठी अत्यंत फायदेशीर ठरू शकतात.
जांभळामध्ये अँटी-डायबेटिक गुणधर्म असतात. त्याच्या बियांमध्ये जांबोसिन आणि अँथोसायनिन नावाचे घटक असतात, जे शुगर नियंत्रणात मदत करतात.
"An apple a day keeps the doctor away" हे वाक्य मधुमेहासाठीही लागू होते. सफरचंद फायबर आणि अँटीऑक्सिडंट्सने भरलेले असते, जे शुगर लेव्हल नियंत्रित ठेवण्यास मदत करते.
डाळिंबामध्ये भरपूर अँटीऑक्सिडंट्स आणि फायटोकेमिकल्स असतात, जे इन्सुलिन रेझिस्टन्स कमी करण्यास मदत करतात.
संत्र्यांमध्ये व्हिटॅमिन C, फायबर आणि नैसर्गिक साखर असते. यामुळे रक्तातील साखर वाढत नाही आणि शरीर ताजेतवाने राहते.
पपईमध्ये अँटीऑक्सिडंट्स आणि फायबर भरपूर प्रमाणात असतात, त्यामुळे पचन सुधारते आणि मधुमेह नियंत्रणात राहतो.
स्ट्रॉबेरीमध्ये कमी प्रमाणात साखर आणि भरपूर अँटीऑक्सिडंट्स असतात, जे शरीरातील इन्सुलिन सेन्सिटिव्हिटी वाढवतात.