Manish Jadhav
देशाचे माजी पंतप्रधान मनमोहन सिंग यांचे वयाच्या 92 व्या वर्षी निधन झाले.
गुरुवारी (26 डिसेंबर) रात्री त्यांची प्रकृती खालावल्यानंतर त्यांना दिल्ली एम्समध्ये दाखल करण्यात आले, तिथे उपचारादरम्यान त्यांचा मृत्यू झाला.
माजी पंतप्रधान मनमोहन सिंग यांच्या निधनामुळे देशभरात शोककळा पसरली आहे. त्यांच्या निधनावर पंतप्रधान नरेंद्र मोदींपासून ते काँग्रेस नेते राहुल गांधी यांनी शोक व्यक्त केला.
भाजपचे दिग्गज नेते लालकृष्ण अडवाणी यांच्याप्रमाणेच मनमोहन सिंग यांनाही देशाच्या फाळणीचे दुःख सहन करावे लागले होते. तेही पाकिस्तानातून आपल्या कुटुंबासह सीमा ओलांडून पंजाबमधील अमृतसर येथे आले होते.
माजी पंतप्रधान मनमोहन सिंग यांचा जन्म पाकिस्तानचा भाग असलेल्या पंजाब प्रांतातील चकवाल जिल्ह्यातील गाह गावात झाला होता.
2004 मध्ये मनमोहन सिंग भारताचे पंतप्रधान झाले तेव्हा पाकिस्तानात त्यांची खूप चर्चा झाली होती.
2007 मध्ये पाकिस्तानच्या पंजाब प्रांताच्या तत्कालीन सरकारने गाह गावाला मॉडेल व्हिलेज बनवण्याची घोषणा केली होती. इतकेच नाही तर आजही गाह गावात मुलांची एक सरकारी शाळा आहे, ज्याला तिथल्या सरकारने मनमोहन सिंग यांचे नाव दिले आहे.