Sameer Amunekar
विमानतळावर प्रवेश करण्यासाठी तुमचे तिकीट आणि आधार कार्ड, पॅन कार्ड किंवा पासपोर्ट यांसारखे मूळ ओळखपत्र (Original ID Proof) हाताशी ठेवा. मोबाईलमध्येही यांची सॉफ्ट कॉपी सेव्ह करून ठेवा.
देशांतर्गत (Domestic) प्रवासासाठी विमानाच्या वेळेच्या किमान २ तास आधी आणि आंतरराष्ट्रीय (International) प्रवासासाठी ३ तास आधी विमानतळावर पोहोचा. यामुळे घाईगडबड आणि टेन्शन टाळता येईल.
प्रत्येक एअरलाईनच्या सामानाची एक मर्यादा (Weight Limit) असते. केबिन बॅग (हँड बॅग) आणि चेक-इन बॅगचे वजन मर्यादेतच ठेवा. तसेच, द्रवपदार्थ (Liquids) आणि पॉवर बँक यांसारख्या गोष्टी कोणत्या बॅगेत ठेवायच्या, याचे नियम आधीच तपासा.
विमान प्रवासाच्या २४ ते ४८ तास आधी वेब चेक-इन (Web Check-in) नक्की करा. यामुळे तुम्हाला विमानतळावर लांबच लांब रांगेत उभे राहावे लागणार नाही आणि तुमची आवडती सीट (उदा. विंडो सीट) निवडता येईल.
सुरक्षा तपासणी (Security Check) दरम्यान मोबाईल, लॅपटॉप, चार्जर आणि पाकीट यांसारख्या वस्तू ट्रेमध्ये वेगवेगळ्या काढाव्या लागतात. त्यामुळे या वस्तू केबिन बॅगमध्ये अशा ठिकाणी ठेवा, जिथून त्या पटकन बाहेर काढता येतील.
सुरक्षा तपासणी पार पडल्यानंतर तुमच्या बोर्डिंग पासवर (Boarding Pass) लिहिलेले 'बोर्डिंग गेट' शोधा. विमानतळावरील स्क्रीनवर तुमच्या फ्लाईटचा नंबर आणि गेट नंबर सतत बदलत नाही ना, यावर लक्ष ठेवा.
विमान प्रवासादरम्यान नेहमी सैल आणि आरामदायक कपडे निवडा. विमानामध्ये एसीमुळे गारवा असतो, त्यामुळे सोबत एक हलके जॅकेट किंवा शाल नक्की ठेवा.