Sameer Amunekar
सिंधुदुर्ग जिल्ह्यातील मालवण तालुक्यात वसलेला धामापूर तलाव हा कोकणातील एक प्राचीन व नैसर्गिक सौंदर्याने नटलेला जलाशय आहे.
सुमारे 500 वर्षांपूर्वी बांधण्यात आलेला हा तलाव केवळ पर्यटनाच्या दृष्टीनेच नव्हे तर पर्यावरणीय आणि ऐतिहासिक दृष्टिकोनातूनही अत्यंत महत्त्वाचा मानला जातो.
धामापूर तलावाचे बांधकाम १५३०च्या सुमारास, शिलाहार काळात किंवा त्याच्या थोड्याच काळानंतर झाले असावे, असे मानले जाते.
धामापूर तलावाच्या आजूबाजूला दाट वनराई असून येथे अनेक प्रकारचे पक्षी, मासे आणि वनस्पती सापडतात. तलावात निळ्या पाण्याचे प्रतिबिंब आणि सभोवतालच्या हिरव्यागार टेकड्या पर्यटकांना भुरळ घालतात.
तलावात होणारी नौकाविहार सेवा पर्यटकांच्या विशेष आकर्षणाचा केंद्रबिंदू आहे. येथे संथ बोटिंगचा अनुभव घेतानाच पक्षीनिरीक्षण, फोटोग्राफी आणि नैसर्गिक शांततेचा अनुभव घेता येतो.
धामापूर गावातील प्रसिद्ध भगवती देवीचे मंदिर या तलावाजवळच आहे. दरवर्षी येथे मोठ्या संख्येने भाविक येतात. तलाव आणि मंदिराचे हे धार्मिक संमेलन या स्थळाला आध्यात्मिक महत्त्वही प्रदान करते.