Sameer Amunekar
केसांच्या वाढीसाठी टाळूची स्वच्छता सर्वात महत्त्वाची आहे. टाळूवर घाण किंवा कोंडा साचल्यास केसांची छिद्रे बंद होतात. म्हणून आठवड्यातून किमान २-३ वेळा सौम्य शॅम्पूने केस धुवा.
दिवसातून ५-१० मिनिटे बोटांच्या टोकांनी टाळूला हलक्या हाताने मसाज करा. यामुळे रक्ताभिसरण वाढते आणि केसांच्या मुळांना पोषण मिळून केस वेगाने वाढण्यास मदत होते.
केस केवळ बाहेरून नाही, तर आतून वाढतात. आहारात प्रथिने (Protein), लोह (Iron), ओमेगा-३ फॅटी ॲसिड्स आणि बायोटिनयुक्त पदार्थांचा (उदा. अंडी, बदाम, पालेभाज्या) समावेश करा.
ओले केस अत्यंत नाजूक असतात. अंघोळीनंतर ओले केस जोरात विंचरू नका किंवा ओल्या केसांना टॉवेलने जोरात घासून कोरडे करू नका. यामुळे केस तुटण्याचे प्रमाण वाढते.
हेअर ड्रायर, स्ट्रेटनर किंवा कर्लिंग रॉडचा अतिवापर केसांचे नैसर्गिक तेल काढून टाकतात. शक्य असल्यास उष्णता देणारी उपकरणे टाळा किंवा वापरण्यापूर्वी 'हीट प्रोटेक्टंट' स्प्रे नक्की वापरा.
केस दुभंगले (Split ends) असतील, तर त्यांची वाढ खुंटते. दर ३-४ महिन्यांनी केसांची टोके थोडी ट्रिम करा, जेणेकरून केस निरोगी राहतील आणि लांब वाढतील.
केसांच्या आरोग्यासाठी शरीरातील हायड्रेशन महत्त्वाचे आहे. दिवसातून पुरेसे पाणी प्यायल्याने केसांच्या मुळांना ओलावा मिळतो आणि केस कोरडे व निर्जीव होण्यापासून वाचतात.