Pranali Kodre
भारत विरुद्ध इंग्लंड संघात 25 जानेवारी ते 11 मार्च 2024 दरम्यान पाच सामन्यांची कसोटी मालिका खेळली जात आहे.
ही मालिका सुरू असतानाच इंग्लंडचा अनुभवी फिरकीपटू जॅक लीचला इंग्लंडमध्ये त्याच्या गुडघ्यावर शस्त्रक्रिया करून घ्यावी लागणार आहे.
लीग या मालिकेचा भाग होता. मात्र हैदराबादमध्ये झालेल्या पहिल्यात सामन्यादरम्यान पहिल्याच दिवशी त्याला दुखापत झाली.
दरम्याने दुखापतीनंतरही त्याने त्या सामन्यात छोट्या छोट्या स्पेलमध्ये गोलंदाजी करत इंग्लंडच्या 28 धावांनी मिळवलेल्या विजयात त्याने योगदान दिले होते.
त्याने हैदराबाद कसोटीत दोन विकेट्स घेतल्या होत्या. त्याने पहिल्या डावात रोहित शर्मा आणि दुसऱ्या डावात श्रेयस अय्यर यांना बाद केले होते.
लीचनेच माहिती दिली आहे की त्याला आता त्याच्या डाव्या गुडघ्यावर शस्त्रक्रिया करून घ्यावी लागणार आहे. त्यामुळे आता तो या दुखापतीतून लवकर सावरावा अशा आशा इंग्लंडला असेल.
लीचने आत्तापर्यंत 36 कसोटी सामने खेळले असून 126 विकेट्स घेतल्या आहेत.