Manish Jadhav
मनुके हे आरोग्यासाठी एक उत्तम अन्न मानले जाते. मनुके रात्री पाण्यात भिजवून सकाळी खाल्ल्यास त्याचे अनेक फायदे होतात. मनुका भिजवल्यावर त्यातील पोषक तत्वे अधिक प्रमाणात शरीरात शोषली जातात.
मनुके लोहाचा (Iron) उत्तम स्रोत आहेत. रात्री पाण्यात भिजवलेले मनुके रोज खाल्ल्याने शरीरातील रक्ताची कमतरता दूर होते. त्यामुळे ॲनिमियाचा त्रास कमी करण्यासाठी हे खूप प्रभावी आहे.
मनुक्यांमध्ये व्हिटॅमिन बी आणि सी भरपूर प्रमाणात असते. त्यामुळे ते शरीराची रोगप्रतिकारशक्ती वाढवतात आणि सर्दी, खोकला यांसारख्या आजारांपासून दूर ठेवण्यास मदत करतात.
भिजवलेल्या मनुक्यांमध्ये फायबरचे प्रमाण जास्त असते. सकाळी रिकाम्या पोटी ते खाल्ल्याने पचनक्रिया सुधारते. त्यामुळे बद्धकोष्ठता आणि ॲसिडिटीसारख्या समस्या कमी होतात.
मनुक्यांमध्ये पोटॅशियम भरपूर प्रमाणात असते. पोटॅशियम शरीरातील सोडियम कमी करण्यास मदत करते. त्यामुळे उच्च रक्तदाब नियंत्रित ठेवण्यासाठी मनुक्यांचा फायदा होतो.
मनुक्यांमध्ये अँटीऑक्सिडंट्स आणि व्हिटॅमिन ई असते, जे त्वचेसाठी खूप फायदेशीर आहेत. रोज मनुके खाल्ल्याने त्वचेतील विषारी पदार्थ बाहेर पडतात, ज्यामुळे त्वचा निरोगी आणि चमकदार होते.
मनुक्यांमध्ये कॅल्शियम आणि बोरॉन हे दोन्ही घटक भरपूर प्रमाणात आढळतात. बोरॉन हाडे आणि सांध्यांसाठी आवश्यक आहे. त्यामुळे, नियमितपणे मनुके खाल्ल्याने हाडे मजबूत होतात.
मनुके खाल्ल्याने शरीराला नैसर्गिकरित्या ऊर्जा मिळते. तसेच, ते पोटाला बराच वेळ भरलेले ठेवतात, ज्यामुळे भूक लागत नाही आणि वजन नियंत्रणात ठेवण्यास मदत होते.