Manish Jadhav
व्यायामादरम्यान घामाच्या रुपाने शरीरातील पाणी बाहेर पडते. त्यामुळे शरीरात पाण्याची कमतरता होऊन चक्कर येणे किंवा थकवा जाणवणे सुरु होते. हे टाळण्यासाठी व्यायामाच्या मध्ये थोडे-थोडे पाणी पिणे अत्यंत आवश्यक आहे.
वर्कआउटदरम्यान घटाघटा खूप जास्त पाणी पिल्याने पोट भरते आणि पोटात जडपणा येतो. यामुळे व्यायाम करताना पोटात दुखणे किंवा मळमळणे अशा समस्या उद्भवू शकतात.
पाणी पिण्याची योग्य पद्धत म्हणजे दर 10 ते 15 मिनिटांच्या अंतराने फक्त 1 ते 2 घोट पाणी पिणे. यामुळे घसा कोरडा पडत नाही आणि शरीराचे तापमानही नियंत्रित राहते.
शरीरात पाण्याची कमतरता झाल्यास व्यायामादरम्यान स्नायू जकडून जातात किंवा क्रॅम्प्स येतात. योग्य प्रमाणात पाणी पिल्याने स्नायूंना ऑक्सिजनचा पुरवठा सुरळीत होतो आणि दुखापत टळते.
व्यायाम करताना अति-थंड किंवा बर्फाचे पाणी पिणे टाळावे. खूप थंड पाण्यामुळे पोटाचे स्नायू आकुंचन पावू शकतात. त्यामुळे सामान्य किंवा कोमट पाणी पिणे शरीरासाठी सुरक्षित ठरते.
जर तुम्ही 1 तासापेक्षा जास्त वेळ कडक वर्कआउट किंवा कार्डिओ करत असाल, तर साध्या पाण्याऐवजी पाण्यात थोडे ORS किंवा इलेक्ट्रोलाइट्स टाकून प्यावे. यामुळे घामावाटे गेलेले सोडियम आणि पोटॅशियम भरुन निघते.
फक्त व्यायामादरम्यानच नव्हे, तर जिम सुरु करण्याच्या 30 मिनिटांआधी 1 ग्लास पाणी प्या आणि वर्कआउट संपल्यानंतर 15-20 मिनिटांनी शरीराचे तापमान सामान्य झाल्यावर पुरेसे पाणी प्या.