Manish Jadhav
कोरियन ब्युटीचे मुख्य सिक्रेट म्हणजे तांदळाचे पाणी! तांदूळ भिजवून किंवा उकळून तयार केलेले पाणी चेहऱ्यावर टोनरप्रमाणे लावल्याने त्वचेवर इन्स्टंट चमक येते.
अँटिऑक्सिडंट्सने समृद्ध असलेला ग्रीन टी थंड करुन तो स्प्रे बॉटलमध्ये भरा. दिवाळीच्या धावपळीत चेहरा फ्रेश ठेवण्यासाठी हा ग्रीन टी मिस्ट चेहऱ्यावर मारा.
चेहऱ्यावरील रक्ताभिसरण सुधारण्यासाठी आणि त्वचा टाईट ठेवण्यासाठी फेशियल ऑइल किंवा सीरम लावून 'गुआ शा' किंवा हाताच्या बोटांनी हलका मसाज करा.
दिवाळीच्या रात्री झोपण्यापूर्वी रात्रीच्या वेळेस त्वचेला डीप पोषण देणारा 'स्लीपिंग मास्क' किंवा नाईट जेल लावा, जेणेकरुन सकाळी उठल्यावर चेहरा टवटवीत दिसेल.
दिवाळीच्या पार्टीला किंवा पूजेला जाण्यापूर्वी 15 मिनिटे आधी कोरियन शीट मास्क चेहऱ्यावर ठेवा. यामुळे कोरडी त्वचा त्वरित हायड्रेट होऊन ग्लॉसी दिसते.
फक्त बाहेरुन नाही तर आतून चमक मिळवण्यासाठी दिवाळीत गोडधोडासोबतच ज्यूस, नारळ पाणी आणि ताजी फळे खाण्यावर भर द्या, ज्यामुळे त्वचा हायड्रेट राहील.
आठवड्यातून एकदा कोमट पाण्याची वाफ चेहऱ्यावर घेतल्याने त्वचेचे बंद झालेले रोमछिद्र (Pores) मोकळी होतात आणि आतील घाण निघून जाऊन त्वचा स्वच्छ होते.