Pranali Kodre
ऑस्ट्रेलिया विरुद्ध पाकिस्तान संघात 3 ते 7 जानेवारी 2024 दरम्यान कसोटी मालिकेतील तिसरा आणि अखेरचा सामना सिडनीमध्ये खेळला जात आहे.
हा सामना ऑस्ट्रेलियाचा सलामीवीर फलंदाज डेव्हिड वॉर्नरचा अखेरचा कसोटी सामना आहे.
दरम्यान, या सामन्यापूर्वी वॉर्नर त्याच्या तिन्ही मुलींना घेऊन मैदानात आला होता.
इव्ही मे, इंडी रे आणि आयला रोज या वॉर्नरच्या तिन्ही मुली सामन्यापूर्वी दोन्ही देशांच्या राष्ट्रगीतावेळी त्याच्याबरोबर होत्या.
वॉर्नरचे त्याच्या मुलींबरोबरचे फोटो सध्या सोशल मीडियावर व्हायरल होत आहेत.
वॉर्नरने गेल्यावर्षीच पाकिस्तानविरुद्ध तो अखेरची कसोटी मालिका खेळणार असल्याचे जाहीर केले होते.
वॉर्नरचा हा कारकिर्दीतील 112 वा कसोटी सामना आहे.
वॉर्नरने यापूर्वी खेळलेल्या 111 कसोटी सामन्यात 44.58 च्या सरासरीने 8695 धावा केल्या आहेत, ज्यात 26 शतके केली आहेत.