गोमन्तक डिजिटल टीम
सुपरस्टार फुटबॉलपटू आणि अनेक विक्रम नावावर असलेल्या ख्रिस्तियानो रोनाल्डो हा फुटबॉलप्रेमींच्या गळ्यातला ताईत आहे.
ख्रिस्तियानो रोनाल्डोने नुकताच एक अनोखा विक्रम आपल्या नावावरती केला आहे.
सर्वाधिक गोलांचे अनेक विक्रम नावावर असलेल्या ख्रिस्तियानो रोनाल्डोने हा विक्रम सोशल मीडियाच्या मैदानावर केला आहे.
एक अब्ज फॉलोअर्स झालेला ख्रिस्तियानो रोनाल्डो हा पहिलावहिला व्यक्ती ठरला आहे.
रोनाल्डोने नुकताच विक्रमी ९०० वा गोल केला आहे आणि लगेचच तो सर्व प्रकारच्या सोशल मीडियावर मिळून एक अब्ज फॉलोअर्स असलेला सेलिब्रिटी ठरला आहे.
'आपण इतिहास घडवला आहे, हा आकडा खूप मोठा आहे, हे तुमचे प्रेम आहे' अशी भावना रोनाल्डोने सोशल मीडियावर व्यक्त केली.
पुढे तो म्हणतो 'हा प्रवास एकट्याचा नसून आपल्या सर्वांचा आहे. अशा कोणत्या मर्यादा नाहीत ज्या आपण पार करू शकत नाहीत हे तुम्ही दाखवून दिलेत.'