Sameer Amunekar
पावसाळ्यात हवा दमट असल्याने जीवाणू आणि विषाणूंचा प्रसार वेगाने होतो. नवजात बाळांची रोगप्रतिकारक शक्ती कमी असल्याने त्यांना संसर्गापासून विशेष जपा.
ओले कपडे किंवा डायपर जास्त वेळ ठेवू नका. त्वचा स्वच्छ आणि कोरडी ठेवल्याने रॅशेस व त्वचेचे इन्फेक्शन टाळता येते.
आईचे दूध बाळासाठी सर्वोत्तम संरक्षण आहे. स्तनपानामुळे बाळाची रोगप्रतिकारक शक्ती वाढते आणि संसर्गाचा धोका कमी होतो.
बाळाच्या आजूबाजूचा परिसर, खेळणी, बेडशीट आणि वापराच्या वस्तू नियमित स्वच्छ ठेवा. घरात डासांची पैदास होणार नाही याची काळजी घ्या.
दमट हवामानात बाळाला हलके, मऊ आणि सूती कपडे घाला. एसी किंवा पंख्याचा वापर करताना खोलीचे तापमान आरामदायी ठेवा.
पावसात बाळाला शक्यतो बाहेर नेणे टाळा. आवश्यक असल्यास डोक्याचे आणि शरीराचे योग्य संरक्षण करा आणि गर्दीच्या ठिकाणी जाणे टाळा.
ताप, सतत खोकला, श्वास घेण्यास त्रास, दूध न पिणे किंवा जास्त सुस्ती दिसल्यास घरगुती उपायांवर अवलंबून न राहता त्वरित बालरोगतज्ज्ञांचा सल्ला घ्या.