गोमंतक ऑनलाईन टीम
जम्मू काश्मिरमधील कुपवाडा येथे छत्रपती शिवाजी महाराजांचा भव्य अश्वारुढ पुतळा उभारण्यात आला आहे.
महाराष्ट्राचे मुख्यमंत्री एकनाथ शिंदे, सांस्कृतिक मंत्री सुधीर मुनगंटीवार यांच्या उपस्थितीत या पुतळ्याचे अनावरण झाले.
मुख्यमंत्री एकनाथ शिंदे यांनी यावेळी जवानांसोबत दिवाळीच्या फराळाचा आनंद घेतला.
आम्ही पुणेकर या संस्थेच्या पुढाकाराने हा पुतळा उभारण्यात आला आहे.
भारतीय सैन्याच्या छावणीत उभारलेला हा पुतळा साडेदहा फुट उंचीचा आहे. तो जमिनीपासून जवळपास तितक्याच उंचीच्या आणि 7 x 3 या आकाराच्या चौथऱ्यावर उभारला आहे.
जम्मू-काश्मिरमधील हवामानत तग धरू शकेल, असा हा पुतळा आहे. पुतळ्याच्या मागे उंच भगवा ध्वज लावला आहे. शिवाजी महाराजांचे मुख आणि तलवार पाकिस्तानच्या दिशेने आहे.
भूमीपुजनादिवशी शिवनेरी, तोरणा, राजगड, प्रतापगड आणि रायगड या पाच किल्ल्यांवरील माती आणि पाणी आणली होती.