Akshay Nirmale
हॉलीवूड अभिनेते मायकल डग्लस यांना यंदा गोव्यातील 54 व्या भारतीय आंतरराष्ट्रीय चित्रपट महोत्सवात सत्यजीत रे जीवनगौरव पुरस्काराने गौरविण्यात आले.
या पुरस्कार सोहळ्यासाठी डग्लस यांची पत्नी हॉलीवूड अभिनेत्री कॅथरीन झेटा-जोन्स देखील उपस्थित होती. समारोप सोहळ्यात तसेच रेड कार्पेटवर कॅथरीन यांनीही लक्ष वेधून घेतले.
यावेळी कॅथरीन यांनी द लंचबॉक्स हा आवडता चित्रपट असल्याचे सांगितले. तसेच त्यांच्या मुलांना ओम शांती ओम हा चित्रपट आवडत असल्याचे सांगितले.
लंच बॉक्स चित्रपट कॅथरीन यांनी विमान प्रवासात चक्क दोन वेळा पाहिला होता, असेही त्यांनी सांगितले.
लंचबॉक्स चित्रपट पाहिल्यानंतर मी माझ्या एजंटकडे दिग्दर्शकला भेटण्याबाबत विचारणा केली. नंतर रितेश बत्रा यांची कॅथरीन यांनी भेटही घेतली.
कॅथरीन यांनी इफ्फीमध्ये दोन वेळा रेड कार्पेटवर एंट्री घेतली होती. एकदा त्या मायकल डग्लस यांच्यासोबत इफ्फीमध्ये आल्या तेव्हा आणि त्यानंतर समारोपावेळी.
पहिल्या रेड कार्पेट एंट्रीवेळी कॅथरीन यांनी फिक्कट निळा वन शोल्डर गाऊन परिधान केला होता. त्यांनी मुलगा डिलन डल्गससोबत पाप्पाराझींना पोझेसही दिल्या.