Pranali Kodre
बिग बॅश लीग 2023-24 हंगाम नुकताच संपला. बीबीएलच्या या 13 व्या हंगामाचा अंतिम सामना 24 जानेवारी 2024 रोजी ब्रिस्बेन हिट विरुद्ध सिडनी सिक्सर्स संघात झाला.
सिडनीमध्ये झालेल्या या अंतिम सामन्यात ब्रिस्बेन हिटने सिडनी सिक्सर्स संघाचा 54 धावांनी पराभव केला आणि विजेतेपदाला गवसणी घातली.
ब्रिस्बेन हिटने दुसऱ्यांदा बीबीएलचे विजेतेपद पटकावले आहे.
यापूर्वी ब्रिस्बेन हिटने दुसऱ्या हंगामात म्हणजेच 2012-13 च्या हंगामात बीबीएलचे विजेतेपद जिंकले आहे.
13 व्या हंगामाच्या अंतिम सामन्यात ब्रिस्बेन हिटने प्रथम फलंदाजी करताना 20 षटकात 8 बाद 166 धावा केल्या होत्या.
ब्रिस्बेन हिटकडून जोश ब्राऊनने सर्वाधिक 53 धावांची खेळी केली, तर मॅट रेनशॉने 40 धावा केल्या. सिक्सर्सकडून सीन ऍबॉटने 4 विकेट्स घेतल्या.
सिक्सर्सचा संघ 167 धावांच्या आव्हानाचा पाठलाग करताना 17.3 षटकात 112 धावांवरच सर्वबाद झाला.
सिक्सर्सकडून कर्णधार मोझेस हेन्रिक्सने 25 धावा केल्या, तसेच जोश फिलिपने 23 धावा केल्या. याव्यतिरिक्त कोणी 20 धावांचा टप्पा पार केला नाही. ब्रिस्बेनकडून स्पेन्सर्स जॉन्सनने 4 विकेट्स घेतल्या.
स्पेन्सर्स जॉन्सन सामनावीर ठरला.