Manish Jadhav
शत्रूची धडकी भरवणारे क्षेपणास्त्र म्हणून ब्राह्मोसकडे पाहिले जाते. ब्राह्मोस हे भारताचे स्वनातीत क्षेपणास्त्र आहे. ध्वनीच्या वेगापेक्षा अधिक वेग असणाऱ्या क्षेपणास्त्राला स्वनातील क्षेपणास्त्र म्हटले जाते.
ब्राह्मोसचा वेग मॅक 2.5 ते 2.8 (अंदाजे 3430 किलोमीटर प्रतितास) आहे. हे क्षेपणास्त्र पाणबुडी, जहाज, विमान आणि जमीन येथून वापरता येते.
भारताची संरक्षण संशोधन आणि विकास संस्था (डीआरडीओ) आणि रशियाची ‘एनपीओ माशिनोस्त्रोयेनिया’ संस्था या दोघांच्या संयुक्त उपक्रमाने ‘ब्राह्मोस एरोस्पेस प्रायव्हेट लिमिटेड कंपनी’द्वारे त्याची निर्मिती करण्यात आली.
ब्राह्मोस हे नाव भारतातील ब्रह्मपुत्रा, आणि रशियातील मोस्कवा या नद्यांच्या आद्याक्षराने बनले आहे.
हलक्या वजनाची तीन ब्राह्मोस क्षेपणास्त्रे ‘सुखोई’त वापरता येतात. मात्र सध्या एकच क्षेपणास्त्र वापरले येते.
ब्राह्मोस दिवसा, रात्री आणि कोणत्याही हवामानातील बदलांमध्ये त्याचा पूर्ण क्षमतेने वापर केला जातो.