Pranali Kodre
वूमन्स प्रीमियर लीग 2024 स्पर्धेला (WPL 2024) 23 फेब्रुवारीपासून सुरुवात झाली. डब्ल्यूपीएलचा यंदा दुसरा हंगाम आहे.
दुसऱ्या हंगामाला 23 फेब्रुवारी रोजी मुंबई इंडियन्स आणि दिल्ली कॅपिटल्स यांच्यातील सामन्याने दणक्यात सुरुवात झाली.
दरम्यान, या सामन्यापूर्वी बंगळुरूमधील एम चिन्नास्वामी स्टेडियमवर डब्लुपीएल 2024 हंगामाचा उद्घाटन सोहळा पार पडला.
या उद्घाटन सोहळ्यात अनेक बॉलिवूड स्टार्सने हजेरी लावली होती. त्यांचे परफॉर्मन्सही चाहत्यांना पाहायला मिळाले.
उद्धाटन सोहळ्याचे मुख्य आकर्षण सुपरस्टार शाहरुख खान राहिला.
दरम्यान, केवळ शाहरुखच नाही, तर शाहीद कपूर, टायगर श्रॉफ, वरुण धवन, सिद्धार्थ मल्होत्रा आणि कार्तिक आर्यन हे बॉलिवूड अभिनेतेही या उद्घाटन सोहळ्यात सहभागी झाले होते.
या सहाही जणांनी आपल्या परफॉर्मन्सने उद्घाटन सोहळ्याला चार चांद लावल्याचे पाहायला मिळाले.
या उद्घाटन सोहळ्यात डब्लुपीएलमधील पाचही संघांच्या कर्णधार उपस्थित होत्या.