Pramod Yadav
भाजपच्या दक्षिण गोवा उमेदवार पल्लवी धेंपे यांनी मंगळवारी (दि.१६) उमेदवारी अर्ज दाखल केला.
धेंपे यांचा अर्ज दाखल करण्यासाठी यावेळी मंत्री सुदिन ढवळीकर, मंत्री रवी नाईक, आलेक्स सिक्वेरा आणि सभापती तवडकर हजर होते.
दक्षिणेत पल्लवी धेंपे ५० ते ६० हजार मताधिक्याने निवडून येतील असा विश्वास भाजप नेत्यांनी व्यक्त केला आहे.
अर्ज दाखल करण्यापूर्वी जिल्हाधिकारी कार्यालयापर्यंत भाजपने भव्य रॅली काढली होती यात मोठ्या संख्येने कार्यकर्ते सहभागी झाले होते.
तसेच, उत्तरेत श्रीपाद नाईक यांनी उमेदवारी अर्ज दाखल केला, नाईक यांनी जिल्हाधिकारी स्नेहा गिते यांच्याकडे अर्ज सुपूर्द केला.
श्रीपाद भाऊंच्यासोबत यावेळी मुख्यमंत्री सावंत, प्रदेशाध्यक्ष तानावडे, विश्वजीत राणे आणि देविया राणे हजर होत्याय.
भाऊंचा अर्ज दाखल करण्यासाठी देखील भाजपच्या वतीने जोरदार शक्तीप्रदर्शन करण्यात आले.