Manish Jadhav
देशातील आघाडीच्या उद्योगपतींपैकी एक असलेल्या गौतम आदानी यांचा आज वाढदिवस आहे. ते अदानी समूहाचे सर्वेसर्वा आहेत. चला तर मग त्यांच्याविषयी आणखी जाणून घेऊया...
अदानी समूहाचे अध्यक्ष गौतम अदानी 62 वर्षांचे झाले आहेत. 24 जून 1962 रोजी गुजरातमध्ये गौतम अदानी यांचा जन्म झाला.
अदानी यांना व्यवसायाचा वारसा मिळाला नाही. त्यांनी आपल्या क्षमतेच्या जोरावर एवढे मोठे साम्राज्य उभे केले.
सध्या अदानी हे आशियातील दुसऱ्या क्रमांकाचे श्रीमंत व्यक्ती आहेत. पण तुम्हाला माहीत आहे का गौतम अदानी यांचेही एकदा अपहरण झाले आहे. होय, त्यांनी स्वतः याबद्दल सांगितले आहे.
अदानी म्हणाले की, ‘जे कोणाच्या हातात नाही त्याची फार काळजी करण्याची गरज नाही.’ अदानी अनेक प्रतिकूल परिस्थितीतून बाहेर आले आहेत.
अदानी यांनी अलीकडेच एका मुलाखतीत त्यांच्या अपहरणाविषयी सांगितले. अदानी यांच्या म्हणण्यानुसार, त्यांनी आयुष्यात दोनदा मृत्यू खूप जवळून पाहिला.
अपहरणाबद्दल बोलताना अदानी म्हणाले की, 'वाईट काळ विसरणे चांगले असते. मी प्रत्येक परिस्थितीशी जुळवून घेतो. माझे अपहरण झाल्यानंतर दुसऱ्याच दिवशी माझी सुटका झाली. पण ज्या रात्री माझे अपहरण झाले त्या रात्रीही मी शांत झोपलो होतो.’
1997 मध्ये गौतम अदानी यांच्या अपहरणाच्या घटनेने संपूर्ण देशात खळबळ उडाली होती.