Ashutosh Masgaunde
राजस्थानचे मुख्यमंत्री म्हणून निवड झालेले भजनलाल शर्मा पहिल्यांदाच सांगानेरमधून निवडणूक जिंकून आमदार झाले आहेत. त्यांनी काँग्रेसच्या पुष्पेंद्र भारद्वाज यांचा ४८०८१ मतांनी पराभव केला.
भजनलाल शर्मा हे सामान्य कुटुंब आणि राष्ट्रीय स्वयंसेवक संघाच्या पार्श्वभूमीतून येतात. ते दीर्घकाळ संघाशी निगडीत आहेत.
भजनलाल शर्मा हे ५५ वर्षांचे असून, ते मूळचे भरतपूरचे आहेत. मात्र, पक्षाने त्यांना प्रथमच जयपूर जिल्ह्यातील संगनेर विधानसभा मतदारसंघातून तिकीट दिले होते. जिथून ते जिंकून आमदार झाले.
भजन लाल शर्मा हे दहा वर्षांपासून भाजपचे प्रदेश महामंत्री आहेत.
भजनलाल शर्मा 34 वर्षांपासून राजकारणात सक्रिय आहेत. अखिल भारतीय विद्यार्थी परिषदेच्या संपर्कात आले आणि राजकारणात त्यांचा प्रवेश झाला.
2003 मध्ये त्यांनी भरतपूरच्या नबाई मतदारसंघातून अपक्ष उमेदवार म्हणून निवडणूक लढवली होती, परंतु त्यांना सहा हजार मतांनी पराभव स्वीकारावा लागला होता. 2018 मध्ये शर्मा यांनी भाजपकडून तिकीट मागितले होते, परंतु पक्षाने त्यांच्या मागणीकडे दुर्लक्ष केले.
भजनलाल शर्मा 1990 मध्ये अभाविपच्या काश्मीर मोर्चातही सक्रिय होते. सुमारे 100 कार्यकर्त्यांसह त्यांनी उधमपूरकडे कूच केले आणि नंतर त्यांना अटक झाली.