Sameer Amunekar
भारतीय हवामानानुसार, किमान SPF 30 किंवा त्यापेक्षा जास्त असलेले सनस्क्रीन निवडावे. जर तुम्ही जास्त वेळ उन्हात राहणार असाल, तर SPF 50 असलेले सनस्क्रीन वापरणे अधिक फायदेशीर ठरते.
सनस्क्रीन घेताना त्यावर 'Broad Spectrum' लिहिलेले आहे का ते पाहा. असे सनस्क्रीन सूर्याच्या UVA (वृद्धत्वासाठी कारणीभूत) आणि UVB (त्वचा भाजण्यासाठी कारणीभूत) या दोन्ही घातक किरणांपासून संरक्षण देते.
तेलकट त्वचा: मॅट फिनिश किंवा जेल-बेस्ड (Gel-based) सनस्क्रीन वापरा. कोरडी त्वचा: मॉइश्चरायझिंग किंवा क्रीम-बेस्ड सनस्क्रीन निवडा. सेन्सिटिव्ह त्वचा: झिंक ऑक्साइड किंवा टायटॅनियम डायऑक्साइड असलेले फिजिकल सनस्क्रीन वापरा.
सनस्क्रीन लावताना प्रमाण महत्त्वाचे असते. आपल्या हाताच्या मधल्या दोन बोटांवर येईल इतके सनस्क्रीन चेहरा आणि मानेसाठी पुरेसे असते. कमी प्रमाणात लावल्यास पूर्ण संरक्षण मिळत नाही.
सनस्क्रीन लावल्याबरोबर लगेच उन्हात जाऊ नका. ते त्वचेमध्ये नीट शोषले जाण्यासाठी आणि संरक्षक कवच तयार करण्यासाठी किमान १५ ते २० मिनिटांचा वेळ लागतो.
सनस्क्रीनचा प्रभाव ठराविक काळानंतर कमी होतो. विशेषतः जर तुम्हाला जास्त घाम येत असेल किंवा तुम्ही पोहत असाल, तर दर २ ते ३ तासांनी सनस्क्रीन पुन्हा लावणे आवश्यक आहे.
अनेकजण फक्त चेहऱ्याला सनस्क्रीन लावतात. परंतु, मान, कान, हात आणि पाय जे भाग उन्हाच्या संपर्कात येतात, त्या सर्वांना सनस्क्रीन लावणे गरजेचे आहे, जेणेकरून टॅनिंग आणि सनबर्न टाळता येईल.