गोमन्तक डिजिटल टीम
गोव्याची रोड ट्रिप करणे हे अनेक लोकांचे स्वप्न असते. मुंबई गोवा रोड ट्रिप तर प्रसिद्ध झाली आहे पण तुम्ही बंगळुरू गोवा ट्रिप कधी प्लॅन केली आहे का ?
बंगळुरू ते गोवा हे अंतर जवळपास ७०० किलोमीटर पडू शकते. तुम्ही कोणता रस्ता निवडता यावर त्यामध्ये फरक पडू शकतो.
हा मार्ग बंगळुरू, टुमकूर, चित्रदुर्ग, दांडेली करून गोव्याकडे जातो. हे अंतर साधारणपणे ५७० किमी आहे.
हा सर्वात जलद मार्ग आहे. या निसर्गरम्य मार्गावरती तुम्ही वेदवती नदीचे खोरे, घाट आणि चित्रदुर्ग किल्ला ही सुंदर ठिकाणे पाहू शकता.
बंगळुरूवरून टुमकूर मग दावणगिरी, शिरसी, गोकर्ण, कारवार करून तुम्ही गोव्यात पोचू शकता. हे अंतर ६३५ किमी आहे.
रम्य किनाऱ्यांच्या सोबतीने हा प्रवास खूप सुखकर होतो. वाटेत तुम्ही युद्धनौका संग्रहालय पाहू शकता.
या रस्त्यावर तुम्हाला नेलमंगला, हासन, दावणगिरी, हुबळी, दांडेली ही गावे लागतील. हा प्रवास ६९० किमी आहे.
हसनमार्गे जाताना तुम्ही श्रवणबेळगोळ तीर्थक्षेत्राचे दर्शन घेऊ शकता. बेल्लूर आणि हळळेबिडूची अलंकृत मंदिरे पाहण्यासाठी तुम्हाला थोडी वाट वाकडी करावी लागेल.
जवळ येतोय गोव्याचा 'रंगीबेरंगी' फेस्टिवल! पाहा कोणता ते...